不願坐 不願瞓的豆豆

豆豆近排開始不願坐 不願瞓 開始會發脾氣 見嘢就咬 勁流口水 唔知佢會幾時出牙仔呢???

已20磅的他 抱時有啲辛苦 就希望佢快d學行 但唸得多又怕bb大了 會冇咗抱bb時的關係咁close 哈哈!!!

聖誕節

只有四個月大的豆豆真幸福 第一年的聖誕就收到咁多禮物

而我同豆父就送咗籃球架給他 但因爺爺打開足球 就問我哋點解唔送龍門 真攪笑

不負眾望-9.08kg

已四個月大的豆豆 體重達9.08kg (19.976 ibs)不負眾望 以100個男baby計 佢係No 1 big size baby 仲over咗0.5kg 好彩醫生話唔洗减肥 咁都好d...

今次打針同上次一樣 只係喊咗幾聲 之后亦好彩冇發燒 但就成日都好赲

哈哈!!! 留意吓豆豆腳下之Jordan 呢d都係豆父儲開 而家就開始比豆豆著喇!!!

學爬喇!!!

比標準身型大嘅豆豆仍未可轉身 (可能真你肚腩仔頂住) 但佢對爬就相當有興趣 放喺地上已懂微微郁動 頸亦可以抬得很高 好似好有力咁 希望大個咗唔好做過硬頸仔 做事可以同父母有商有量啦!!!

學習椅

已差不多四個月嘅豆豆要開始學坐 但可能因為豆豆腿部發展比較好 原本可以比三至十四個月‧BB佢嘅椅 豆豆坐落有D迫 佢坐後就好似郁唔到 fix咗落去咁 好好笑 >o< 哈哈!!! 大家請留意小腿部份 剩餘位置已不多喇!!!

我是豆豆

呢套咁cute嘅衫, 要多謝剪神馬高叔叔, 小豆著嘅時候好開心, 戴住帽亦冇投訴, 可能佢知呢個係佢造型啦!!! 真係好cute 好可愛

玩公仔

由於Aunt Sue送咗個熊仔pool比豆豆後, 佢近排鍾意咗玩公仔, 同佢講give him a hug 佢會識得攬住佢, 由於熊仔pool太大喇! 豆父就買咗個微型版比佢, 佢亦非常喜歡, 豆豆會抱佢, 錫佢, 同埋咬佢......

豆豆生病了

強壯的豆豆 因被媽媽傳染咗傷風 現在生病了 31-11-2008(sun) 豆豆流住鼻水去咗睇醫生 雖然醫生話唔嚴重 但見佢鼻窒窒 就好心痛喇!

豆豆飲藥並唔怕 (因為好甜) 佢最怕嘅係飲水 要佢飲兩啖水 好似打仗咁......唸起都怕

已三個月之豆豆

三個月大之豆豆已差不多18磅, 身邊有d朋友已話他太肥太大, 一d都唔似三個月bb, 但我就很開心 睇到自己bb食得瞓得仲好生肉, 做媽媽真係不同...hehe

冇褲著

天氣開始轉涼，令我有D頭痛，已over16磅的豆豆 令我幫佢買衫時有點困難 好多比baby著嘅衫都係一套賣 好似相中件外套係比 6 mths baby著 但豆豆就啱啱好 但條褲就好長 但如果買 3 mths 嗰D衫比佢著 就衫細褲啱 真頭痛 阿豆唔通冬天都要著短褲???

人仔細細就自己攞奶樽

只有兩個多月人仔的豆豆，而家飲奶就手多腳多，有時飲緊奶仲要同人傾計。相中嘅佢已可以自己攞住奶樽飲奶，望住佢真係唔知好嬲定好笑。

表姐Chantel生日會

豆豆第一次參加生日會，主角就Chantel表姐，人生真係可愛 不同時期就過不同的生活，豆豆出世后就參加小朋友聚會，一班媽媽就圍在一起討論小朋友食D乜 有幾磅 第日想報邊間學校......一班爸爸爸就手忙腳亂咁照顧小朋友，哈哈！ This is life！

有反應喇!!!

睇見豆豆每日長大，對人對事物嘅反應每日都唔同，起初比佢瞓喺張墊上望住D玩具並冇任何特別反應，反而自己就傻更更咁不停同佢講波波呀、捉住先 ......嗰類說話，但過了兩天豆豆望望吓就好自然地識得去拍個波，所以小朋友嘅觀察力絕對不能忽視。

探朋友仔

豆豆身邊嘅係大佢五日嘅卓其，兩人都係同一醫院出世，但因卓其身體唔太舒服所以未有見面。

趁天氣好就帶豆豆探吓朋友仔，兩個BB平排座映張相就係不易，呢張相都算見得吓人。

希望兩個BB快高長大啦!

打針日 >0<

啱啱過咗一個開心的party後， 就輪到要打針見醫生喇！ 我已知打針後會好易發燒， 所以已替豆豆選打六合一針， 喺佢打針歷程可以打少六支。但同時預防針亦比以前多......所以豆豆今日都要打兩支及口服一支 >o<

成日比人話大件的豆豆，果言不負眾望體重已達6.89kg (15.16ibs)， 以100個BB做统計，他排Top 3......HaHa 而身高亦有60cm，他排Top 10。醫生亦好佩服呢個大BB。至於豆豆打針之表現亦十分之好，醫生話一支唔係太痛，另一支就比較酸麻，佢豆豆只叫一聲，就接受咗，姑娘都話勁！

打完針的他比較赲，夜晚開始可能針口有啲痛，所以有啲發脾氣，希望豆豆唔會發燒，可以瞓得好啦！

雙滿月之喜

豆豆兩個月之party...多謝很多親戚朋友來臨...

豆豆整晚表現相當好, 雖然無咗平日哈哈笑嘅樣, 亦無咗大人講一句, 佢又答一句的情況出現。但佢一直保持同一姿勢, 歡迎不同親友同佢合照, 真係值得一讚, 豆豆真係一個識social之小朋友, 任人摸, 任人抱, 都好少發脾氣, 個個親友亦對佢對粗壯手臂及大腿感到相當有興趣, 兩個月人仔就有15磅, 亦都嘆為觀止, 豆豆對住鏡頭亦總會眼定定, 完全交足功課。入席後, 大人進餐, 佢就食奶, 之后可能知冇人同佢玩喇! 仲charge咗一陣電, 到散席送客又識自己起身, 莫非佢真係知呢個係佢嘅party??? 返到屋企已11:00pm就發脾氣揾媽媽...揾到媽媽就好快瞓着到天光喇!

食手指 or 食奶嘴

本來很堅持唔想比豆豆食奶嘴，但睇見佢成日偷偷食手指，食唔到又喊，食到我又唔想，所以我唯有比奶嘴佢，總好過食細菌手指。

佢而家食住奶嘴，情緒比之前好好多，每次臨瞓前比佢食，不足五分鐘就瞓著，唔怪之得話係媽媽恩物啦！

而家市面買的叫安撫奶嘴，真係有意思！

人仔細細已食8oz奶

o my god...只有七星期大的豆豆，已差不多食8安士奶喇! 呢嗰樽

已到達max point。依照阿豆情况，唔通要飲2支???

老積仔-Part 2

豆豆已識得聽不同人的聲音，有時候我會覺得自己好似儍婆咁，每天跟他唱歌，傾計。見他不時作出反應，雖然只係哦哦，但已令我聽得好開心。小小的他見你講佢又講，實在太可愛喇！

老積仔-Part 1

只得個半月大的豆豆， 成日好似大人咁要企，要坐。佢嘅行同樣貌實在太老積喇! 好多人問我陀佢嗰陣係咪飲咗好多骨湯，哈哈! 係冇！

戒夜奶的第一天

本來並沒有咁早就戒夜奶的打算，但自從聽了某書某教授的意見後，就覺得阿豆六星期開始戒夜奶好似已係時候了。

每個人都有生活習慣，定時作息，一但生活模式已習慣，日後想改就更困難，新陳代謝都好D。

方法如下:

硬性調整佢d飲奶時間, 就係朝早第一餐開始計, 當你七點第一餐, 跟住之後就每三小時餵一次, 每次都要確保佢飽為止, 唔好俾佢飲少少就訓, 幾日後佢會慣左呢個生理時鐘, 即係7am, 10am, 1pm, 4pm, 7pm, 10pm, 3am, 時間未到就算佢喊都唔好餵佢, 過得幾日, 佢就會食埋最後果餐(10pm)就自動瞓過夜, 但切記就算佢朝早七點冇醒, 你要一定要七點餵佢, 唔好俾佢拖亂左d時間。

今日係試驗的第一天, 希望唔洗好多日就成功啦!

似邊個???

結果非常明顯......
豆豆簡直就係豆父......

洗白白

洗白白係豆豆每日最開心嘅時間， 任何肚餓,、 眼瞓產生之不安情緒，係呢嗰時候全部消失晒， 佢會好安靜、 認真地享受。

其實令佢咁享受主要係佢張私家沙灘椅，但看見豆豆每日長大，恐怕沙灘椅不能負荷太久喇! 到時又要揾啲乜嚟呢???

已一個月了

時間過得很快， 豆豆已一個多月大， 而家嘅佢都唔算太難攪， 最大問題就是已識認人。好多人都話佢唔似一個月大，例如: 識認人， 瞓覺喜歡趴， 平時喜歡坐同出力企起身，少啲體力都唔得。好彩豆豆都算瞓得，半夜只需起身一次，咁我都有得瞓吓。

近排奶粉事件並未有影響他， 因為他的媽媽牌出品良好，一個月的他現在已食六安士奶，身邊朋友問起亦非常驚訝！ 所以他身型發展得不錯，身型已有一定之厚度，一個月的他已超過11磅，比起出世時足足增長50% (即3.5磅)，醫生話BB一至六個月平均每月增長0.6kg(即1.32磅)，豆豆請繼續努力!

發脾四

呢兩日豆豆不停發脾四, 抱住就好好, 放低就喊......

有人話: BB開始大, 識認人, 識認味, 所以會摟計

有人話: BB小氣, 唔可以成日讚, 否則會摟計

BB摟計, 真係不知原因, 要發就發, 真係小霸王。

十二朝

十二朝 = 派薑醋???

呢嗰傳统習俗原因係乜呢???

祝福???

健康???

原因我不太清楚, 但肯定係值得開心嘅聚會, 可以食吓嘢, 見吓bb, 大家都很開心呢! >0<

產後感-第五天

你快樂所以我快樂

只要見到他開心, 我便開心。呢個豆豆雖然只係五日人仔, 但表情奇多, 望住佢, 真係好滿足。

今日一齊返屋企喇! 由懷孕到今日, 中間不知驗咗幾多嘢已確保母子健康, 所以老人家話 : 養兒一百歲, 長憂九十九。

產後感-第四天

倆B相遇

今日28-8-2008係豆豆出生第四天, 而瞓喺佢身邊嘅就係他的表弟弟, 只細他三天。

豆豆資料:

中文名: 陳諾熙

英文名: Ethan Chan

出生磅數: 7磅8安士

出生長度: 50cm

表弟弟資料:

中文名: 未知

英文名: 未知

出生磅數: 6磅12安士

出生長度: 48cm

希望倆位小朋友每日都開開心心, 健康快樂。

產後感-第三天

看見豆豆每天樣子都在改變, 真係好可愛。 因為本人堅持只餵媽媽牌奶的原因, 豆豆收水情况比較快, 退黄就比較慢, 但一切仍合符標準, 巳成了媽媽的我, 只希望小豆豆可健健康康。

產後感-第二天

雖然今次半身麻醉做手術生豆豆, 但醫生手摯非常之好, 第二天早上我已可以落床行行企企, 連止痛藥都唔需要食, 真係太好喇!

抱住BB的感覺很好, 他亦很信任我, 可能佢知我是他的媽媽, 不敢惹我啦!

奶奶每天都為我準備湯水及食物, 真的太辛苦了!

豆父當然亦一直陪在我身邊啦!

產後感-第一天

今日已係豆豆出世第十一天, 出院後一直主要休息, 餵奶, 換片......好彩初生的他沒有特別要求。
回想呢十一天曰子......
第一天: 早上七點幾食過早餐後, 我就同豆父準備入院喇! 睇見豆父成晚都冇瞓個樣, 真係好擔心, 他瞓唔著原因係小豆整晚不停踢, 我們不知他是否想自已出世, 但因我瞓著, 他便跟著瞓了。但可憐的豆父就整晚不能睡好 >o< 早上還比工人取笑他的樣子很累, 很擔心, 而準備做手術的我, 就很輕鬆, 仲瞓得很足夠。
手術開始時間14:00, 首先麻醉醫生幫我打針, 吊鹽水, 之前聽人哋話打脊椎會很痛, 身體亦要好曲先至可以打到, 但我就很輕易完成, 亦不覺得很痛, 只跟平時打針差不多。豆父14:10入到手術室, 因我用半身麻醉, 感覺很輕鬆, 手術進行中豆父仲同我影相, 醫生又一齊傾計...............過了數分鐘, 醫生就話BB要出世喇! 爸爸睇唔睇......只係短短十多秒, 豆父一聲好的同時, 豆豆也哇哇大喊喇!
看見小生命出生喇! 真的很開心, 感動及奇妙。 數分鐘前還在肚內, 數分鐘後就看見一個玩口水的BB在我身邊。
最令我感動除了豆豆外, 當然就係豆父啦! 呢兩年他陪我行過很多路, 他真的很好, 我衷心感謝他。

產前感

24-8-2008 (Sunday) 四年一度之奧運今日閉幕喇！ 陀了豆豆亦巳284天了， 日子過得很快， 很開心，亦算很輕鬆。本來我一直打算自然分娩的，但豆豆可能仍很留戀在肚裏之生活，沒有迹象想見吓外間之世界，所以作為他的家長的豆父及豆父婆就替他所作了決定，我將會明天開刀，帶他來到一個比肚裏多點顏色的世界。

自問未做過媽媽的我不知可會稱職，但我知自已一定可以令他開心地成長。



豆豆

明天見！ I Love U！

豆父婆

他失約了......

今日天氣並不太好, 因為已經掛起一號風球, 今日係豆豆之預產期, 但他好似仍很留戀在我肚中暢泳, 明天可能會掛八號風球, 頑皮的豆豆, 可能當自已是貴賓一樣。 (貴人出門招風雨)

我和豆豆之約定

今天是20-08-2008 天氣非常好 天很清 雲不多 風亦很大
但豆豆就好似忘記左我們之約定......他仍在我的肚裏非常之活躍 不停動 食飽動 不動他也動
男孩子真的頑皮 昨晚豆父還推他 哈哈!! 叫他不要忘記我們之約定 豆豆亦有比反應他 弄得我們不知怎樣好......只好笑他太頑皮
因已到預產期了 所以我亦努力行樓梯 食西瓜 飲白蓮鬚......希望豆豆乖啦!

我的相簿

http://picasaweb.google.com.hk/chengyukfan/uxWOv

巳經38週喇!

WOW WOW so BIG！

不知不覺已同豆豆相處左38 weeks!身體狀況仍然ok ,無乜特別, 因為每天都會同佢傾計, 叫佢住多幾天, 佢好似真係識聽咁, 仲成日比返反應我。 哈哈！