一歲喇!!!

25-08-2009 一年喇! 自從豆豆出世後 每日都過得好開心 我知自己可能會怱略咗身邊人 但我知佢明白豆豆嘅重要 生日當日 豆豆病咗 所以冇乜特別慶祝 但我衷心希望豆豆每日都開心 身體健康 我巳心足!

Happy Birthday To Ethan!!!

第一個單字- Yes (5 Aug 2009)

未夠一歲嘅豆豆 已識bye bye, bye kiss, give 5, give 1, point, bird, no..........前2日仲由BB話轉為第一個單字"YES" 聽見真係好甜好感動
雖然要湊佢 有時都幾悶 特別佢對住我又摟計啲 但見佢比同期小朋友學嘢多D 快吸收D 就乜都抵返

起咗層大樓

自從豆豆七月二十三號首次踏出三步後 就成日都唔停 爬得又快 又"擒高擒低" 今日起身行咗兩步 仲撞到枱潻 心痛到而家我都瞓唔着......

又燒

豆豆唔知喺咪出牙仔原因 已連續三晚發燒 瞓總算ok 但真喺擔心 因為都燒到103度 見佢雖然有玩有食 但脾氣就大咗 胃口就差咗...一陣就去睇醫生 check 吓先

新髮型

10個月有多嘅豆豆 因為太熱喇! 所以重金禮聘台媽小曼老師幫豆豆剪髮

豆豆表現好好 冇摟計 十分合作 只要不停食 就ok喇

前後對照 只係一個髮型 就令豆豆已不再baby face 但就有型咗...haha

終於到手喇!!!

定咗差不多2個月嘅豆袋...終於到喇!

有啲戀子feel...但我就好鐘意...hehe

攪乜鬼 - 玫瑰疹

前幾日以為只係普通發燒嘅豆豆 一攪攪咗五日 呢五日又高燒, 退燒又再燒 醫生話應該出疹 一般發燒3日就退燒出疹 但阿仔已等到今日第五日喇!
希望喺疹啦 如果再燒就要驗血 唔想囝囝唔舒服呀!
呢幾日算豆豆叻仔 並冇因為發燒扭計 還肯吃喝同埋玩 雖然我成晚成日要起身 但只要佢可以瞓得好啲就得喇!
豆豆努力呀! 打抵玫瑰怪獸....

大個仔

頭髮長咗 說話多咗 動作靈活咗 成個人好似大個仔咗 對身邊事充滿好奇 時間過得好快 已有小小 唔捨得 開始覺得佢會有自己思想 自己想做嘅嘢 豆豆已唔係BB啦!!!...............................

發燒

禽晚豆豆第一次發燒 唸住唔係好燒 就唔比退燒藥佢食 點知成晚都瞓得唔好...好彩一朝即比藥就好返 嚇我一餐......

第一次分開

呢幾日因為陪豆父去羅馬睇波 所以第一次同豆豆分開幾日 其實呢九個月每日湊住豆豆都開始有啲赲 豆父做嘢亦好辛苦 趁而家有個藉口 兩個人休息吓其實好好 唯一就只係怕自己掛住個仔 唔捨得~~~

豆豆你要乖 爸爸媽媽幾日就返...咁好摟計蝦人呀!!!

Love U

識分辦數字 17-5-2009

從四個月大開始比佢睇video同埋flash card, 比咗而家八個幾月大,開始對文字有小小概念喇!!! 呢幾日開始仲識分辦數字 手指指話答案比你知 戥到我同豆父不知幾開心。
做人父母真係好奇怪, 一方面想佢早啲對文字產生興趣, 但另一方面又怕佢怱略其它活動帶比佢嘅知識, 因為見到一啲小朋友只對文字有興趣......真矛盾...

第一個母親節

第一年同自己仔仔過母親節...冇乜特別感覺 可能豆豆仲未識戥我啦!!! 但其實對住佢已好開心同滿足。雖然豆豆未識 但豆父都代佢送咗花比我...thx!!!

爬行比賽 : 2 May 2009

豆豆今日參加咗一個BB爬行比賽，睇見條賽道，我初頭十分有信心，因為只有短短十米，對一向爬開長途賽、越野賽嘅豆豆簡直Easy Job......但奈何 周公急call 本人冇時停陳先生 竟然爬兩吓 坐一陣 爬多兩吓 再坐一陣 用盡所有新奇玩物都冇興趣，真係比佢笑死！ 短短路程 爬咗3分鐘 雖然時間長咗d 但最後都完成，做媽媽嘅知道以後人生條路仲難行...阿仔你努力呀!!!

日本之旅-五日四夜

豆豆其實已係第二次去日本 上次喺媽媽肚裡面四個月大就去過一次喇!!! 今次對比上次泰國旅行 對於我同豆豆都挑戰大咗 飛行時間長咗 豆豆重咗 脾氣大咗......

已七個半月嘅豆豆 成日要"痴"住我 又因為已識爬同坐就唔鐘意成日比人縛住 所以脾氣大咗 因為日本所有餐廳都開暖氣關係 怕熱嘅豆豆就成日依依哦哦 *o*

有咗小朋友後 去日本做嘅嘢唔同晒 以往每日不停shopping 不停食 而家食飯要揀地方 shopping又只睇小朋友嘢 雖然係咁但亦好開心

呢幾日旅程有幾件事比較難忘 :

1) 豆豆未試過唔用浴盤沖凉 所以沖咗四日 喊足三日......

2) 已坐得好穩陣嘅豆豆 有晚突然跌親 左眼眉位仲腫咗 好彩快"full"冰 咁就好快散瘀喇!!!

3) 連食幾日baby food嘅豆豆 頭2日都冇bubu 擔心之餘 仲話佢出街唔會bubu 點知5分鐘后就整餐比我睇......

4) 好開心 今次去日本仲見到好多纓花 好靚呀!!!

5) 日本真係shopping天地 大止大人 小朋友仲勁 今次真係大出血

6) 我地4大1小 返HK行李有成160kg...勁

......開心事太多喇!!! 希望快d又再去啦

識爬喇!!! 01-04-2009

開心事一浪接一浪 前兩日先見到豆豆出牙 點知而家就識爬喇!!! 上星期估佢就快爬 手夠力 petpet就郁郁吓 哈哈 爬到喇!!! 我初頭見佢成日企 好似想學行咁 不知幾怕佢唔肯爬 而家真係安心晒 但我知之后日子實好似看牛仔咁 更加唔得閒喇!!!

牙仔出來了 30-03-2009

今日終於見到 摸到豆豆嘅第一隻牙仔...哈哈哈 阿仔第一隻牙仔位於下排靠右邊位置 今次出牙好彩冇乜唔舒服 只係成日想咬嘢 想食嘢 希望之后出嘅牙仔都好似咁 唔好令佢咁辛苦就好喇!!!

天陰陰

春天到喇!!! 近排好潮濕 又成日落雨 呢幾日又豆父出咗trip去北京 阿豆呢幾晚亦瞓得唔太好 我就更加冇得瞓la

睇咗阿豆每日嘅轉變 唸返轉頭真係過得好快 咁怪之得好多人話趁BB仲細要好好珍惜相處時間 天氣差 個人都感性咗

冬菇定豆豆

豆豆又比我整古 將個咕放喺頭度 即刻變咗Mario個冬菇仔

而家嘅豆豆仲好乖 任你點舞 唔知仲有幾耐就變為我比佢舞呢?

Solid Food

因為一直食人奶關係 豆豆到六個月先開始食其它嘢 我初頭都怕會唔會太遲 佢會唔會抗拒呢???

豆豆果然係大隻仔/ 大食仔 佢一開始已食一碗粥 到而家一日要兩碗先足夠...wow wow

最開心喺豆豆對食物 蔬菜 水果 完全冇抗拒 食咗差不多半個月 已試過菠菜苗 菜心苗 蕃薯容 蘋果容 雪梨容...haha 佢全部都好鍾意 咁就好喇!!! 我希望豆豆可以食多d 健康d

ANGRY BOY

呢排唔知係豆豆開始出牙仔定抑或大咗脾氣大咗

佢平日自己玩就好地地 一見到我(即豆父婆) 就依依哦哦...好識扮嘢 只要我一抱住又冇事 比豆父話佢係演員 成日扮晒嘢 但有時見佢咁"痴"我 都好sweet!!!

遊樂場

星期六約咗豆豆d朋友仔gathering 一班BB去公園玩 真係好開心 不知不覺一班BB已七個月大 豆豆喺眾B當中 最高最重 見到佢咁真係好

豆豆係一個大胆仔 去到公園周圍望 玩乜都唔怕 又坐又企 一d都冇摟計 街精一名

好掛住你呀!!!

禽晚去咗睇演唱會, 豆豆咁細當然冇帶佢去啦!!! 到咗10點左右 突然好掛住佢 因為佢差唔多時間瞓喇! 原來由佢出世到今日 我每晚都同佢一齊 等佢瞓咗我先瞓 雖然我平日都會唔帶佢自已出街 佢夜晚冇見佢就第一次 由嗰陣開始已冇專心睇show 一直想快d完 快d可以見到豆豆......哈哈!!! 豆豆對我真好重要

豆豆半歲喇!!!

時間過得好快!!! 豆豆今日25號已半歲人仔喇!!!

睇返呢六個月 佢大個仔咗好多 影相又學人擺pose 而家亦已坐得好定 爬就未好叻 成日自轉同倒後爬 而家想學行路 變咗成日要企起身 少啲力都唔掂 同佢玩一陣 都已透支晒

已開始食餬仔嘅佢 亦好合作 一日仲可以食兩碗 睇佢嘅進度 好快就可比粥仔佢食喇!!!

而家嘅佢亦識聽大人講嘢 語氣重d話佢就扮聽唔到 唔望住你 但轉頭又主動攬住你 真係好sweet

但而家亦開始多咗摟計 你唔理佢就blow口水 扮咳...真係老積仔一名

呢半年過得好快 好開心 多謝你豆豆 同埋豆父啦!!!

222 6mths party

係咪好壯觀呢? 呢度全部都喺08年8月出世嘅bb 我地相識后就約埋攪咗個gathering 呢度總共有56個bb 真厲害

豆豆喺當中size算數一數二 0808b中 女仔b佔多d 咁都好第日唔洗怕冇女朋友 haha

望住佢已足夠

望見都開心

第一日返playgroup

11-2-2009

今日豆豆第一日返學 (playgroup) 內容主要係鼓勵親子多啲接觸 BB除哂衫 媽咪亦著得好少...(睇相就知) 今日活動好多 eg倒吊 前後空翻 毛巾滑梯 學爬... 第一日之表現十分不錯 可能他年紀最少 其它已七個多月 所以玩到最后 未完message已瞓著咗 一瞓仲瞓咗兩個半鐘 唔講得小

我好開心 可以陪住佢學多啲嘢 見多啲人 令佢可以健康成長 做個識分享嘅小朋友 參加呢類活動 亦可以學識點同佢玩 多一啲親子交流 今日嘅我亦好赲 睇嚟今晚大家可以瞓覺好嘅

未識爬 先學轉

已識轉身嘅豆豆 近排開始學爬 但手仔仍未好靈活 所以佢成日用腳仔推 但手又唔識郁 所以而家就未識爬 只會轉 好攪笑!!!

食糊仔-7-Feb-2009

因為食媽媽奶的關係 已五個半月的豆豆 而家先開始食糊仔 他第一次食糊仔 就好似已食過咁樣 一口接一口 並冇整到周圍污糟邋遢 另一就係食完大半碗 仍好似食唔夠咁樣 而他更知道食幾口糊仔 就要飲水 (因為爸爸攞糊仔 工人攞住杯水) 佢會自己轉左與右 睇豆豆嘅進展 可以已好快可以食粥仔喇!!!

25-01-2009 第一次落水

啱啱五個月當日 豆豆第一次落水玩喇! 可能啱啱瞓醒關係 見佢冇乜特別興奮 亦冇驚恐 咁就成功落咗水喇!!! 但由於已差不多五點 怕水太凍 大嘅玩咗十分鐘就上水喇!!! 但睇佢乜都唔怕 肯定好快就會比爺爺爸爸教佢游水喇...

農曆新年 - 泰國

今年嘅農曆年同以往一樣都係同老爺奶奶一家人到泰國還神, 但當然就多咗豆豆同我哋一齊去啦!!! 年廿九出發 初二返香港 短短四日 但為豆豆準備嘅物件就差不多一個大喼 五個月的豆豆第一次出門坐飛機 所以準備多啲嘢都應該嘅!!!

第一次坐飛機的豆豆 十分之乖 只摟咗幾分鐘 就飲奶瞓着咗 直至到泰國攞行李先至醒 所以佢並冇受到飛機起飛降落之不適而影響

呢四日三夜之旅程 真係多謝老爺奶奶幫手 佢哋成日都幫我抱住豆豆 只要豆豆睇唔到我 就唔會摟計 跟住佢哋玩 一向做開運動嘅老爺 都比呢個孫攪到謝喇!!! 已over 20磅嘅豆豆 精力十足 抱住佢玩真係唔easy 令到爺爺嫲嫲赲到瞓過頭 唔知醒 好好笑!!!

由於第一次出門之豆豆表現咁好 所以我哋已計劃同豆豆可以去第二度玩喇!!!

時間過得好快!!!

我呢個儍媽媽會成日翻睇豆豆BB的照片, 睇到豆豆每日長大, 由乜都唔識唔知, 到而家識坐, 識轉身, 識扮嘢(假如佢自己玩咗一陣 冇人理佢, 佢會扮咳引人注意) 識give me five......睇見佢真係好滿足, 時間過得很快, 巳差不多五個月大喇!!! 豆豆嘅來臨真係帶咗比我哋無限嘅歡樂!

BB聚會 11 Jan 2009

相中嘅全部都係8月出世嘅baby 識咗一班媽咪 大概兩個月一次活動 睇住啲baby 每次都唔同 真係好cute 豆豆可能主場關係 表現一直非常良好 豆豆嘅size亦係全場之冠 每個媽媽抱起豆豆都話想咬 我抱起其它baby就覺得好輕鬆 哈哈!!! 成班細路一齊大 好好玩呀!!!

新玩具

人仔細細嘅豆豆 玩具越嚟越多 佔嘅位置亦越嚟越多 我同豆父成日講笑話間屋唔夠大...hehe

呢個新玩具係滿月叔公送的 好多花款 好多顏色 大人細路見到都開心 最重要係唔肯坐嘅豆豆可以企住玩 YEAH!!!

識轉身喇!!! (7-1-2009)

哈哈!!! 豆豆識轉身喇! 擁有肚腩仔的豆豆 之前推都唔肯轉 估唔到一個發聲波就令佢轉身成功 而家嘅佢 開始學爬喇! 但佢嘅郁動好攪笑 佢爬唔係向前 而係轉圈 原因不明???