豆豆半歲喇!!!

時間過得好快!!! 豆豆今日25號已半歲人仔喇!!!

睇返呢六個月 佢大個仔咗好多 影相又學人擺pose 而家亦已坐得好定 爬就未好叻 成日自轉同倒後爬 而家想學行路 變咗成日要企起身 少啲力都唔掂 同佢玩一陣 都已透支晒

已開始食餬仔嘅佢 亦好合作 一日仲可以食兩碗 睇佢嘅進度 好快就可比粥仔佢食喇!!!

而家嘅佢亦識聽大人講嘢 語氣重d話佢就扮聽唔到 唔望住你 但轉頭又主動攬住你 真係好sweet

但而家亦開始多咗摟計 你唔理佢就blow口水 扮咳...真係老積仔一名

呢半年過得好快 好開心 多謝你豆豆 同埋豆父啦!!!